2026 жылдың 15 қазанында «№4 орта мектеп» КММ‑де балалардың қауіпсіздігі, олардың психологиялық денсаулығын сақтау және суицидтік мінез‑құлықтың алдын алу мәселелеріне арналған ата‑аналар жиналысы өтті.
🔹 Баяндамалар тақырыптары:
✅ «Баланың қауіпсіздігі — отбасы мен мектептің ортақ жауапкершілігі». Баяндамашы: Петропавл қаласы прокуратурасы бөлімінің прокуроры Е. Ерденұлы.
✅ «Кәмелетке толмағандардың психологиялық денсаулығы мен қауіпсіздігі: отбасылық сенімнен дағдарыстық жағдайлардың алдын алуға дейін». Баяндамашы: педагог‑психолог Гүлмира Бағдатқызы Саржанова.
✅ «Ата‑аналарға балада қорқыту (буллинг), киберқорқыту, интернеттің жағымсыз әсері немесе дағдарыстық жағдай анықталған кезде іс‑қимылдың қадамдық алгоритмі қандай?» Баяндамашы: әлеуметтік педагог Рустам Алтайұлы Бисенев.
🤝 Жиналыс барысында балалардың қауіпсіздігін қамтамасыз етудегі ата‑аналардың рөліне, отбасында сенімді қарым‑қатынастың маңыздылығына, бала мінез‑құлқындағы алаңдатарлық өзгерістерді уақтылы анықтауға және отбасының мектеп мамандарымен өзара іс‑қимылына ерекше назар аударылды.
Балалардың қауіпсіздігі мен амандығы — біздің ортақ жауапкершілігіміз!
